موضوع ان الوالد يبقى ضد حاجة بتحبها او مش بيساعدك تعملها موضوع محيرني .. متقنعنيش ان حد ف سني المتواضع حيفكر انه عايز يرضي والده بقى و كدة لاء هو اكيد هيفكر ان هو عايز يعمل حاجة بيحبها اوي و مقتنع بيها اوي و هي مش حرام و مش عيب يبقى ليه لاء
بس كالعادة اي اب بقى عايز ابنه باش مهندس او دكتور و معاه دكتوراة ف كذا و ماجستير في كذا بقى و انه يبقى فخيم كدة و يبقى مسيطر
ميعرفوش انه هيبقى فخيم و مسيطر و مرتااااااااااح لما يبقى بيعمل حاجة بيحبها اوي و شايف نفسه فيها
ميبقاش عنده طاقة فظيعة عايز يكسر بيها توتو عضلات بذات نفسيته
و مش قادر عشان مش عارف عشان مفيش فلوس عشان بابا مش راضي الخ الخ الخ
او اقولكوا حاجة هو اكيد بيبقى عارف و فاهم كل ده
بس هو بيبقى عايز يشوف ابنه احسن حد ف الدنيا ف عشان كدة بيبقى عايز يشوفه مهندس او دكتور عشان ف الطبيعي في مصر ان مفيش احسن من اني اقول ان ابني دكتور او مهندس
كدة بقى ابن ناس ولا عامل دكتوراه في علوم معرفش ايه
مش حيبقى متخيل نفسه انه يرضي حد ف الموضوع ده مش حيبقى حاسس نفسه
مش حيعرف يعمل حاجة مش متخيل نفسه فيها
و المشكلة انه بيتفهم انه كدة عنيد و ابن عاق بقى و مش بيسمع الكلام
بس اصل الحاجات دي بالذات مفيهاش اني اسمع كلام
ده كياني انا الحاجة اللي لما بعملها بلاقي نفسي
مرة اتفرجت على فيديو لواحد مشهور و كان دكتور ساب الدكتوراة بقى طباخ
حد من برا حيقول ازاااي و ايه الهبل ده
انا بقى شايفاه عين العقل
لقيت شغفك ف حاجة ؟ لما بتحس بيها او مجرد تخطر على بالك بتحس بكيانك بيتحرك؟ لما بتفكر فيها بتبقى مبسوط اوي؟ دووووووووووس يا معلم انت كدة ماشي صح و لو عالفلوس ربناا معاك يا ابني و لو على الحج الوالد لما يلاقيك مُصِر على حلمك حيعمل ايه يعني ؟ ف الاخر حيضطر يقتنع بيك او يتبرى منك و ف االحالتين انت اللي كسبان
و من الاخر انت اللي بتجيب فلوس مش الفلوس هي اللي هتجيبك
ربنا خلق كل واحد ف الدنيا دي عنده موهبة معينة عشان يستغلها يجيب بيها فلوس و يعيش
ف متقنعنيش انك بتتعب بموهبتك دي و مش هيجيلكك فلوس و تنجح ف الاخر
و على راي المثل اسعى يا عبد و انا اسعى معاك
الكاتبة : ولاء زهران