* ولكن دعنى اولا احدثك عن اهم الخطوات الى تؤهلك لكي تكون احد متبعي الموضه :-
1- افتح دولاب اختك و لو معندكش ممكن تاخد من اي انثي في عيلتكو (بنطلون هي نفسها تتكثف تلبسه ) .
2- بما ان الشتاء داخل اجري علي جدو خد منه ( بلوفر من ايام ماكان شاب روش بس ياريت يكون مقاسه كبير ) وحاول تضيقه عند اي ترزي .
3- اطلع علي باتا و جيب منها (كونفرس ولازم تحسه ملبوس 100 مره قبل كده ).
4- ودي اهم خطوة عشان بتعرف فيها طريقه المشي السليمه وكأنك موديل علي catwalks ..... تضم رجلك جمب بعض ... تمسك طرف كم البلوفر ..... اديك الاتنين جمبك .... باصص في الارض .
5- ودي هتكون اخر خطوة معانا ركز فيها جدااااا ( الالـوان ) اهم حاجه ...... ياريت لو بنطلون احمر كده ولا بطيخي و من فوق كده اخضرات ولا ازرق و تكون اتميت مراحل نمو الطماطم بنجاح ... ااااه اهم حاجه التناسق .
- وعزيزي القارئ بعد ما سلطنا الضوء علي اهم خطوات الموضه وجب علي التنوية الان الي حجم الكارثة التي نعيشها حاليا وهي ..... انك من الضهر مش بتقدر تحدد نوع الكائن بنت ولا ولد واحيانا من الوش يمكن لو لم تتواجد الطرح لكنا في مشكله أكبر الآن ...... وعلي راي سيدنا كاظم (ما الحل ?! ) .
- ولكننى بعد الكثير من الابحاث وجدت الحل لدي اهم سيدات المجتمع ( قرقوشه ) وهي احد محنكات المجتمع المصري الاصيل ..... وبسؤالي لها عن حل تلك الازمة .... قالت ( بصي ياحببتشي الحل بسيط اوي ااه ديك النهار شوفتلك واحد من دول الي بتقولي عليهم مش عارفه آبصر ايه قومت هوب دالقه عليه جردل ميه لقيته ايه بصلي كده و قالي ليه كده يا طنط قولتله طنط في عينك بس من صوته الخشن شويه قدرت احدد نوعه ) .....!!!!.
- بس اكيد طبعا مش هنمشي شايلين جرادل ميه نرشها علي البني ادمين !!!! ..... الموضع ابسط من كده , كل واحد عنده مرآيه يقف قدامها ويسأل نفسه سؤال واحد بس ..... انا كده شكلي راجل ?! .... بس قبل السؤال لازم تكون مقتنع ان الرجوله مش فعل بس لا الرجوله من اول تسريحه شعرك لحد الحرف الي بتنطقه. لما تلبس لبس البنت تتكثف انها تلبسه انت كده راجل ؟! لما تكون بتقلد وخلاص انت كده عندك شخصيه تاهلك انك تكون انسان مسؤول في المستقبل ?! … ( مش كل الي الناس بتعمله لازم يبقي صح .... ولا الصح هو الي كل الناس بتعمله ) .
الكاتبة: شيماء صادق