كلمة Intel دايما لما بنشوفها بنربطها بالتكنولوجيا والكمبيوتر ، بس احنا مش هنحكيلكم قصة انتل دى قصة الراجل اللى ورا انتل !
روبرت نويس كان من عيلة مسيحية متدينة ، كان متفوق جدا فى المجال العلمى وكان درجة ذكاؤه عالية، والعادى بالنسباله انه كان بيجيب أعلى الدرجات ويحصد أهم الجوايز زى جايزة ديربى، وطبعا كمل تفوقه ودراسته وأخد الدكتوراه فى جامعة MIT المشهورة فى أمريكا.
روبرت اشتغل فى شركات متنوعة زى فيلكو ومختبر شوكلي لكن سابهم واشتغل مع رجل العمال أرثر روك عشان يعملوا شركة اسمها فيرتشايلد ، الشركة اشتغلت فى تصنيع الترانستورات اللى كانت من أكتر الحاجات المطلوبة فى السوق وقتها، وهو وزمايله ال7 خدوا لقب "عصابة الثمانية".
في سنة 1968 أرثر روك افتتح شركة أنتل، وشاف ان روبرت من أكتر الشخصيات اللى الشركة محتاجاها، وكان دى بداية روبرت فى الشركة كواحد من المؤسسين ، وكان من أنجح الشخصيات الإدارية لأنه كان بيتعامل مع الفريق بتاعه زى عيلته
روبرت حياته العملية كانت مليانة انجازات، سجل أكتر من 16 براءة اختراع, أهمها المعالج المايكروي واللى شغال بيه ملاين الأجهزة حول العالم، ده غير ان الناس عمرها ما هتنسى انه صاحب اختراع الـ Microprocessor
الراجل ده قدر يوجّه موهبته للطريق الصح واللى يبنى بيه مستقبله، قدر يفكرنا باسمه بالحاجات اللى عملها تفيدنا فى حياتنا.