صوتها واطي .. رقيقه .. هادية .. احنا بنحكم غلط علي بعض في 7 ثواني
خد ثانية زيادة واحكم صح ..
شوفت كمية هلس وتريقه علي الشابه النائبة دينا عبدالعزيز
وقولت اروح أعرفها .. فأكتشفت اللي انت هتتصدم بيه ده
مش بالشكل ولا بالأوصاف إوعي تحكم ع الكتاب من الغلاف .. :)
لقيتها راجل وبنت بلد والناس فعلا بتحبها في الدائرة بتعتها .. خد شوف دي
نبذة كده عن دينا عبدالعزيز .. مرشحة مجلس النواب 2015 أبنة حلوان.. ماجستير علوم سياسية جامعة القاهرة باحثة دكتوراه في العلوم السياسية.. باحث اقتصادي بوزارة التعاون الدولي كاتبة مقالات رأي سياسية واجتماعية..
اتشهرت في حلوان ب = #مع_بعض_هنقدر
دينا كانت مرشحة مستقلة ملهاش حزب .. وحملتها كانت قائمة عليها في كل حاجه من عمل اللافتات واللف في الشوارع وقهاوي حلوان .. في الصور هتشوفها بتلف كل مكان بنفسها وماسكه فلايرز توزعها علي الناس في القهاوي وتكلمهم وكمان راحت مراكز الشباب ولعبت مع الشباب كمان بينج .. دينا .. عملت الي تقريبا معملوش مرشح كسبان في البرلمان ده .. وكسبت فعلا بمجهودها .. وتعبها .. :)
اتفرج ع الصور هتعرف إن دينا شابه مجتهده و نأمل لها النجاح .. النائبة دينا عبدالعزيز .
منقول عن : Mohammed Elyamani
