ايه أول انطباع ممكن يوصلك أما تشوف الشخص ده و تعرف ايه عنه ؟
اللى فى الصورة ده الشيخ حسين عبد الستار أو كما يعرفه الطلبة فى أميركا Husain Sattar و ده أستاذ علم الأمراض Pathology فى جامعة شيكاجو، أميركا Pritzker School of Medicine University of Chicago. حسين تفوق فى العلم الدنيوى و درس الطب فى أرقى جامعات أميركا و لم يكتفى بده فأثناء فترة التدريب بتاعه قطع دراسته الطبية و تفرغ للعلم الشرعى و دراسه الفقه و قضى تلات سنين من حياته فى باكستان فى دراسه علوم الدين فى Faridia Islamic University.
حسين عبد الستار هو أشهر مدرس فى أميركا لطلبة الطب فى ال Pathology و بيسمع محاضراته الطلبة من كل أنحاء العالم. و أما اتسأل عن سر براعته فى الشرح رد و قال ان الفضل لأحد المشايخ العظام اللى تتلمذ على ايديهم و أثروا فيه فى باكستان مش أميركا. الشيخ حسين أسس منظمة دعوية فى الولايات المتحدة اسمها العلم المقدس Sacred Learning هدفها نشر تعاليم الاسلام و التعريف بالأحكام الفقهيه و فيها بيلقى حسين دروس العلم فى أوقات فراغه، اضافه الى تأليفه مجموعة مشهورة من الكتب زى Fundamentals of Classical Arabic.
حسين عبد الستار حصل على جوايز عديدة من جامعة شيكاجو منها Outstanding Basic Science Teaching Award و أيضا Favorite Faculty Award .حسين مخرجش عن القانون و لا قعد يردد شعارات و فى نفس الوقت محدش حاربه بسبب دينه أو منظره أو لبسه فى بلد استمرت أعوام فى محاربة المتطرفين المسلمين فى بقاع الأرض، طالما كان مفيد لنظامهم.
فى مكان أخر من العالم الشخص ده كان زمانه اتسحل أو اترمى فى السجن بتهمة الارهاب..
صفحة الأستاذ الدكتور الشيخ حسين عبد الستار فى الموقع الرسمى لــ جامعة شيكاجو